Monday, October 23, 2017

ដេីមព្រីងកំសត់



ដេីមព្រីងកំសត់      ជីវិតជូចត់           ដប់ប្រាំឆ្នាំមុន 

ទោះមានភ្លៀងខ្យល់    អ្នកមិនតូទន់      ខំលូតជាងមុន

                             ដោយមិនរុញរា។

ឥលូវដេីមធំ         អាចម្លប់សុខខុម          សម្រាប់មនុស្សគ្នា

ពីថ្ងៃនេះទៅ      ដេីមព្រីងស្ថិតនៅ          ជាម្លប់គ្រប់គ្នា

                                                                                                                តទៅរាងអេីយ។

Thursday, July 27, 2017

ក្រុមចោរប្លន់ប្រុសស្រី៥នាក់ត្រូវបានតុលាការកាត់ទោសជាប់ពន្ធនាគារជាង១០០ឆ្នាំ ក្នុងម្នាក់ៗ​




យោងតាមផេក  Phnom Penh Gendarmerie បង្ហាញថា នៅរសៀលថ្ងៃទី២៥ ខែកក្កដា
ឆ្នាំ២០១៧ ក្រុមប្រឹក្សាជំនុំជំរះសាលាដំបូងរាជធានីភ្នំពេញ បានប្រកាសសាលក្រមសម្រេចផ្តន្ទាទោស
ក្រុមចោរប្លន់ប្រុសស្រីចំនួន០៥នាក់ ឲ្យជាប់ពន្ធនាគារ រហូតដល់លើសពី ១០០ឆ្នាំ ក្នុងម្នាក់ៗ ។

ជនជាប់ចោទទាំងនោះមានប្រុស៣នាក់ និងស្រី២នាក់ ៖
ទី១៖ ឈ្មោះ សេត ម៉ាត់រ៉ូហ្សេត ភេទប្រុស អាយុ២២ឆ្នាំ ត្រូវផ្តន្ទាទោស ដាក់ពន្ធនាគារចំនួន១២៨ឆ្នាំ
ទី២៖ ឈ្មោះ ប៉ែន ចំណាប់ ភេទប្រុស អាយុ១៨ឆ្នាំ ត្រូវផ្តន្ទាទោស ដាក់ពន្ធនាគារចំនួន ១២០ឆ្នាំ
ទី៣៖ ឈ្មោះ អ៊ឹម សុភ័ក្រ ភេទប្រុស អាយុ២៣ឆ្នាំ ត្រូវផ្តន្ទាទោស ដាក់ពន្ធនាគារចំនួន១២០ឆ្នាំ
ទី៤៖ ឈ្មោះ ពេជ្រ សូណែត ភេទស្រី អាយុ២២ឆ្នាំ ត្រូវផ្តន្ទាទោស ដាក់ពន្ធនាគារចំនួន ១០៩ឆ្នាំ
និងទី៥៖ ឈ្មោះ ញ៉ែម កន្និដ្ឋា ភេទស្រី អាយុ២០ឆ្នាំ ត្រូវផ្តន្ទាទោស ដាក់ពន្ធនាគារចំនួន១០៩ឆ្នាំ

                            Video
ពួកគេម្នាក់ៗត្រូវបានចោទប្រកាន់ពីបទ លួចមានស្ថានទម្ងន់ទោស

ប្រព្រឹត្តហិង្សាបណ្តាលឲ្យមរណភាពជនរងគ្រោះ កាន់កាប់អាវុធដោយខុសច្បាប់ និងពីបទមិនរាងចាល។


គួររំលឹកដែរថា ក្នុងចំណោមជនជាប់ចោទទាំង៥នាក់នេះ

គឺមាន៤នាក់ត្រូវបានកម្លាំងអាវុធហត្ថរាជធានីភ្នំពេញ ចាប់ខ្លួនបានភ្លាមៗ តាំងពីថ្ងៃទី១១ ខែធ្នូ ឆ្នាំ

២០១៥ ខណៈដែលពួកគេទើបតែបានធ្វើសកម្មភាពប្លន់យ៉ាងសាហាវយកម៉ូតូ សេ១២៥ សេរីឆ្នាំ២០១៥

មួយគ្រឿង នាព្រឹកព្រលឹម ម៉ោង៥និង៣០នាទី ថ្ងៃទី១១ ខែធ្នូ ឆ្នាំ២០១៥ នៅចំណុចផ្លូវ៥៩៨

សង្កាត់បឹងកក់២ ខណ្ឌទួលគោក ដោយបាញ់ត្រូវក្បាលជនរងគ្រោះ ស្លាប់ភ្លាមៗនៅនឹងកន្លែង

ហើយយកម៉ូតូគេចខ្លួនបាត់ ប្រហែល២ម៉ោង ក៏ត្រូវកម្លាំងអាវុធហត្ថរាជធានីភ្នំពេញ

ដែលដឹកនាំបញ្ជាផ្ទាល់ ដោយឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង

កងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថ រាជធានីភ្នំពេញ

ធ្វើការស្រាវជ្រាវតាម ចាប់ខ្លួនជនល្មើស ជាដំបូងបាន២នាក់ឈ្មោះរូហ្សេត និងឈ្មោះចំណាប់

ព្រមទាំងដកហូតម៉ូតូ របស់ជនរងគ្រោះដែលស្លាប់ ទៅហើយនោះ បានមកវិញ។ ​


រយៈពេលប្រហែល4ម៉ោង សមត្ថកិច្ចអាវុធហត្ថរាជធានីភ្នំពេញ បានកំណត់មុខសញ្ញា

ឈានទៅព័ទ្ធចាប់បក្សពួកជនល្មើស ផ្សេងទៀត នៅចំណុចផ្លូវចូលភ្នំប្រសិទ្ធ ស្ថិតក្នុងខណ្ឌព្រែកព្នៅ

ហើយនៅពេលនោះ ជនល្មើសបាន បាញ់មកលើសមត្ថកិច្ច ដើម្បីរំដោះខ្លួន បណ្តាលឲ្យមានការផ្ទុះអាវុធ

តបតគ្នាទៅវិញទៅមក ធ្វើឲ្យជនល្មើស ២នាក់ស្លាប់នៅនឹងកន្លែងឈ្មោះ ម៉ី និងឈ្មោះ លីម

ហើយឃាត់ខ្លួនបាន២នាក់ទៀត ជាកំណាន់ចិត្ត របស់ជនល្មើសដែលស្លាប់។ ចំណែកម្នាក់ទៀតឈ្មោះ អ៊ឹម

សុភ័ក្រ ត្រូវបានចាប់ខ្លួនមួយខែក្រោយការកើតហេតុ។

ជាក់ស្តែងតាមចម្លើយសារភាព ករណីប្លន់ដែល ពួកវាចាំបានច្បាស់គឺមាន៖
1- បានបាញ់សម្លាប់បុរសម្នាក់ យកបានម៉ូតូ១គ្រឿង ម៉ាកហុងដាឌ្រីម សេ១២៥ ពណ៌ខ្មៅ

នៅចំណុចខផ្លូវលេខ ៥៩៨ សង្កាត់បឹងកក់២ ខណ្ឌទួលគោក នាព្រឹកព្រលឹមថ្ងៃទី១១ ខែធ្នូ ឆ្នាំ២០១៥
2- បានបាញ់សម្លាប់ជនរងគ្រោះប្លន់ យកបានម៉ូតូ១គ្រឿង ម៉ាកហុងដាឌ្រីម សេ១២៥ ពណ៌ខ្មៅ

សេរីឆ្នាំ២០០៦ នៅចំណុចខាងក្រោយអតីអធិការដ្ឋាននគរបាលខណ្ឌទួលគោក វេលាទៀបភ្លឺ ថ្ងៃទី០៩

ខែធ្នូ ឆ្នាំ២០១៥

3- បានបាញ់ម្ចាស់ម៉ូតូ ឲ្យស្លាប់ម្នាក់ របួសម្នាក់ ប្លន់ម៉ូតូ១គ្រឿងម៉ាកស្កូបពី តែមិនបានសម្រេច

នៅចំណុចគល់ស្ពានអាកាសស្ទឹងមានជ័យ ក្នុងថ្ងៃទី១៣ ខែវិច្ឆិកា ឆ្នាំ២០១៥
4- បានបាញ់១គ្រាប់លើជនរងគ្រោះម្នាក់ មិនដឹងថាស្លាប់ឬរស់ ប្លន់យកបានម៉ូតូម៉ាក MSX ពណ៌ស

១គ្រឿង នៅចំណុច ក្រោយវិទ្យាស្ថានជាតិអប់រំ ខណ្ឌដូនពេញ វេលាម៉ោង ប្រហែល 1រំលងអាធ្រាត

ឈានចូលថ្ងៃទី៨ ខែវិច្ឆិកា ឆ្នាំ២០១៥ ។

5- បានបាញ់ជនរងគ្រោះម្នាក់បាក់ជើង ប្លន់យកបានម៉ូតូ ១គ្រឿង ម៉ាកហុងដាឌ្រីម សេ១២៥

សេរីឆ្នាំ២០១៤ នៅចំណុច ស្ពានឧកញ៉ា លី យ៉ុងផាត់ ត្រើយខាងលិច ក្នុងខែតុលា ឆ្នាំ២០១៥
6- បានយកកាំភ្លើងខ្លីវាយជនរងគ្រោះ២នាក់ ប្លន់យកបានម៉ូតូ១គ្រឿង ម៉ាកហុងឌ្រីម សេ១២៥

សេរីឆ្នាំ២០១៥ នៅចំណុចមុខទីស្តីការគណៈរដ្ឋមន្ត្រី ម៉ោងប្រហែល១និង២០នាទីរំលងអាធ្រាត

មិនចាំថ្ងៃខែ។

7- បានដេញវាយជនរងគ្រោះនឹងកាំភ្លើងខ្លី ប្លន់យកម៉ូតូ១គ្រឿង ម៉ាកហុងដាឌ្រីម សេ១២៥

តែមិនបានសម្រេច នៅចំណុចមុខទីស្តីការគណរដ្ឋមន្ត្រី ក្នុងខែសីហា ឆ្នាំ2015 មិនចាំថ្ងៃទី
8- បានភ្ជង់ប្លន់យកម៉ូតូពីជនរងគ្រោះ បាន១គ្រឿង ម៉ាក MSX នៅចំណុចស្តុប អំបាសាឌ័រ

មិនចាំពេលវេលា
9- បានភ្ជង់ប្លន់យកម៉ូតូពីជនរងគ្រោះបាន១គ្រឿង ម៉ាក MSX នៅចំណុចមុខធនាគារកាណាឌីយ៉ា

ផ្លូវលេខ118 ខណ្ឌដូនពេញ មិនចាំពេលវេលា

ចំណែកស្ត្រី២នាក់ ឈ្មោះ ញ៉ែម កន្និដ្ឋា ហៅ អាម៉ី និង ឈ្មោះ ពេជ្រ សូណែត បានសារភាពថា ពួកគេ

បានចូលរួម ក្នុងសកម្មភាពប្លន់ជាមួយក្រុមប្រុសស្នេហ៍ខ្លួនដែរ ដោយជិះទៅជាមួយគ្នា

ដើម្បីបំភ័ន្តភ្នែកជនរងគ្រោះកុំឲ្យចាប់អារម្មណ៍ នៅពេលប្លន់បានសម្រេច ស្រី្តទាំង២នាក់នេះ ចាំបិទគូថ

តាមមើលពីក្រោយ ក្រែងលោមានសមត្ថកិច្ចដេញតាម និង បន្លំខ្លួនចូលទៅកន្លែងកើតហេតុ ដើម្បីក្តាប់

សភាពការណ៍ព័ត៌មាន ថាតើសមត្ថកិច្ចក្តាប់មុខសញ្ញាបានឬអត់។

ចំណាត់ការរបស់តុលាការសម្រេចផ្តន្ទាទោសជនល្មើស

ក្នុងម្នាក់ៗឲ្យជាប់ពន្ធនាគារលើសពី១០០ឆ្នាំនៅពេលនេះ ​ធ្វើឲ្យមហាជនពេញចិត្តខ្លាំងណាស់

ដោយសកម្មភាព​ របស់ក្រុមចោរទាំងនេះ ទោះស្លាប់ទៅហើយ ក៏នៅមិនទាន់រួចទោសដែរ។

Thursday, July 20, 2017

ប្រសិនបើអាចកាត់បន្ថយផឹកស្រាកាន់តែតិច កាន់តែប្រសើរ



យោងតាមការសិក្សារបស់អង្គការ មូលនិធិអាស៊ី ការទទួលទាន និងផលិតគ្រឿងស្រវឹង ក្នុងប្រទេសកម្ពុជា កំពុងមាននិន្នាការកើនឡើង គួរឲ្យព្រួយបារម្ភ។ ជាក់ស្តែងរបាយការណ៍បានបង្ហាញថាក្នុងចន្លោះឆ្នាំ ២០០៣ ដល់ ២០០៥ ពលរដ្ឋកម្ពុជា អាយុ ចាប់ពី១៥ឆ្នាំឡើងទៅ បានទទួលបានគ្រឿងស្រវឹងជាមធ្យម ៤,៦លីត្រ ក្នុងមួយឆ្នាំ ហើយបាន ទទួលរហូតដល់ ៥,៥លីត្រ ក្នុងមួយឆ្នាំ ២០១០ (របាយការណ៍ WHO ឆ្នាំ ២០១៤) និង ៦,១ លីត្រ ក្នុងឆ្នាំ២០១៤ (របាយការណ៍ IOGT-NTO ឆ្នាំ ២០១៤) ។
ទន្ទឹមនឹងនេះ ដោយយោងតាមតម្រូវការ ការផលិតគ្រឿងស្រវឹងជាលក្ខណៈពាណិជ្ជកម្ម និងការផលិតស្រាបៀ ឬស្រាសតាមផ្ទះក៏កំពុងកើនឡើងផងដែរ ។

ការប្រើប្រាស់គ្រឿងស្រវឹង ពិសេសការសេពច្រើនហួស ប្រមាណ អាចនឹងបង្កបញ្ហាច្រើនដល់សង្គមដូចជា៖
គ្រោះថ្នាក់ចរាចរណ៍៖ នៅពេលអ្នកស្ថិតនៅក្នុងស្ថាន ភាពស្រវឹង ហើយបើកបរ នោះនឹងអាចមាន គ្រោះថ្នាក់ចរាចរណ៍ បណ្តាលអោយរងរបួស ពិការរភាព ឬអាចបាត់បង់ជីវិត ខ្លួនឯង និងអ្នកដទៃ ។ លើសពីនេះគ្រោះថ្នាក់ចរាចរណ៍ ធ្វើឲ្យខូចខាតទ្រព្យសម្បត្តិខាតបង់ពេលវេលា បាត់បង់ធនធានមនុស្ស និងថវិការ ។

ការបង្កទំនាស់ក្នុងសង្គម៖ ការរំខាន ការឈ្លោះប្រកែកគ្នា ការជេរប្រមាថគ្នា ការវាយតប់ ការប្រើអំពើហិង្សា ឬកាប់សម្លាប់ជាដើម ។
ការរំលោភសេពសន្ថវៈ
គ្រួសារ ៖ ការបង្កអំពើហិង្សាក្នុងគ្រួសារ និងលើដៃគូស្និទ្ធិស្នាល
ការខាតបង់ថវិកា
ការខាតបង់ទ្រព្យសម្បត្តិ
ការខាតបង់ពេលវេលាសម្រាមរកប្រាក់ចំនូល
បាត់បង់ធនធានមនុស្ស ក្នុងគ្រួសារ

ការផ្តល់នូវគំរូមិនល្អដល់កូន ឬអ្នកជំនាន់ក្រោយ
កូនៗមិនមានស្មារតីល្អ ឬរីករាយ ក្នុងការទៅសាលា ឬមានទំនាក់ទំនងជាមួយសង្គម
បាត់បង់កេរ្តិ៍ឈ្មោះ ឬមានការរើសអើងពីសហគមន៍
ប៉ះពាល់សុខភាព៖ ការប្រើប្រាស់គ្រឿងស្រវឹង ផ្តល់នូវផលប៉ះពាល់ អវិជ្ជមាន ដល់អ្នក
ប្រើប្រាស់ទាំងរយៈពេលខ្លី និងវែង ៖
- រយៈពេលខ្លី៖ ក្អួត រាគ ឈឺពោះ វិលមុខ ឈឺក្បាល មានភាពមិនប្រក្រតីក្នុងខ្លួន បាត់បង់សតិស្មារតី និយាយមិនច្បាស់ និយាយខុស ពិបាកដកដង្ហើម បាត់បង់ការចង់ចាំ ដើរទ្រេតទ្រោត ឬដួល សន្លប់ ឬស្លាប់ជាដើម ។

- រយៈពេលវែង ៖ អាចបង្កឲ្យមានជំងឺលើសឈាម ខូចមុខងារថ្លើម ខូចមុខងារតម្រងនោម ដំបៅក្រពះ ចិត្តវិកល មហារីក ខ្សោយសមត្ថភាពផ្លូវភេទ ខ្សោយសមត្ថភាពបន្តពូជ និងជំងឺរុំារ៉ៃជាច្រើនទៀត

ប្រភព៖ ឯកសារបច្ចេកទេសស្តីពីការបង្ការ និងទប់ស្កាត់ការប្រើប្រាស់គ្រឿងស្រវឹង សម្រាប់រដ្ឋបាលឃុំសង្កាត់

Wednesday, July 19, 2017

ក្រសួងពាណិជ្ជកម្ម ដាក់ចេញវិធានការ៦ចំណុច ដើម្បីលើកស្ទួយតម្លៃពោតក្រហមជូនកសិករ



រដ្ឋមន្រ្តីក្រសួងពាណិជ្ជកម្ម លោក ប៉ាន សូរស័ក្តិ បានសម្រេចដាក់ចេញវិធានការរយៈពេលខ្លីចំនួន ៦ចំណុច ដើម្បីដោះស្រាយ បញ្ហាធ្លាក់តម្លៃពោតក្រហមរបស់ប្រជាកសិករខ្មែរ រហូតធ្វើឲ្យផ្ទុះការតវ៉ារហូតឈានដល់ការបិទផ្លូវ។

ក្រោយពីមានការត្អូញត្អែរ និងផ្ទុះការតវ៉ាពីប្រជាកសិករ លើការធ្លាក់តម្លៃពោតក្រហមពី ៤៤០រៀល មកត្រឹម ៣៦០រៀល នៅក្នុងស្រុកកំរៀង និងស្រុកភ្នំព្រឹក នៃខេត្តបាត់ដំបងនោះ លោក ប៉ាន សូរស័ក្ដិ បានបើកកិច្ចប្រជុំបន្ទាន់មួយជាមួយក្រុមហ៊ុនចំណីសត្វ CP និងអ្នកពាក់ព័ន្ធសរុបប្រមាណ ៥០រូប ដើម្បីរកដំណោះស្រាយនៅថ្ងៃទី១៧ ខែកក្កដា ឆ្នាំ២០១៧។

ក្នុងកិច្ចប្រជុំនោះ បានលើកឡើងនូវបញ្ហាមួយចំនួនដែលនាំឲ្យពោតក្រហមនៅឆ្នាំនេះធ្លាក់ថ្លៃ។ បញ្ហាទាំងនោះរួមមាន៖ កត្តាអាកាសធាតុ ដោយឆ្នាំនេះមានភ្លៀងធ្លាក់ច្រើន ធ្វើឲ្យកសិករជួបការលំបាក ក្នុងការហាល និងសម្ងួតទិន្នផលពោត, កត្តាប្រាក់កម្ចី កសិករភាគច្រើន បានធ្វើការកាច់ពោតមុនពេលកំណត់ ដើម្បីលក់យកប្រាក់បង្វិលសងធនាគារ, កត្តាហេដ្ឋារចនាសម្ព័ន្ធ កង្វះខាតឡសម្ងួត ដើម្បីហាលទិន្នផលពោត និងឃ្លាំងស្តុក ដើម្បីរក្សាទុករយៈពេលយូរ, កត្តាកម្រៃក្រៅផ្លូវការ ដោយម្ចាស់សៃឡូដែលទិញពោត ពីកសិករត្រូវការបង់ចំណាយទៅលើសេវាមួយចំនួន ជូនមន្ត្រីពាក់ព័ន្ធនៅតាមមាត់ច្រកព្រំដែន និងកត្តាលើសបរិមាណ ដោយសារតែក្នុងប្រទេសថៃ ជារដូវប្រមូលទិន្នផលពោត ធ្វើឲ្យឡសម្ងូតភាគច្រើនពេញប្រៀបដោយកសិផលពោត ដូច្នេះពាណិជ្ជករថៃមិនអាចទញកសិផលពោតពីខ្មែរច្រើននោះទេ។

ដើម្បីដោះស្រាយបញ្ហាប្រឈមចំពោះមុខនេះ រដ្ឋមន្រ្ដីក្រសួងពាណិជ្ជកម្ម បានដាក់ចេញវិធានការរយៈពេលខ្លីចំនួន ៦ចំណុច ដើម្បីលើកស្ទួយតម្លៃពោតក្រហមជូនប្រជាកសិករ។ វិធានការទាំង ៦ចំណុចនោះ រួមមាន៖
១៖ ភ្នាក់ងារគយ និងកាំកុងត្រូល នឹងបញ្ឈប់ការយកកម្រៃលើការនាំចេញកសិផលពោត ចាប់ពីថ្ងៃនេះតទៅ។
២៖ ក្រសួងពាណិជ្ជកម្ម នឹងចងក្រងរបាយការណ៍ ដើម្បីស្នើសុំទៅប្រមុខរាជរដ្ឋាភិបាលនិងស្ថាប័នពាក់ព័ន្ធ ធ្វើការកាត់បន្ថយការបង់ចំណាយក្រៅផ្លូវការឲ្យបាន ១០០%។
៣៖ ធនាគារអភិវឌ្ឍន៍ជនបទ នឹងបើកចំហរ ហើយត្រៀមខ្លួនជានិច្ច ដើម្បីធ្វើការជាមួយម្ចាស់សៃឡូ ដែលត្រូវការខ្ចីប្រាក់ ដើម្បីទិញកសិផលពោត ឬ ធ្វើឡសម្ងួត និងពង្រីកឃ្លាំងស្តុកកសិផលជាដើម។ បច្ចុប្បន្នធនាគារមានគោលការណ៍ប្រើប្រាស់ឥណទានរបស់ខ្លួន ដែលមានទឹកប្រាក់សរុប ២៧លានដុល្លារអាមេរិក ជាមួយអត្រាការប្រាក់ពីចន្លោះ ៥% ទៅ ៧% ក្នុងមួយឆ្នាំ សម្រាប់ផ្តល់ជូនវិស័យឯកជន ជាមួយលក្ខខណ្ឌងាយៗ។
៤៖ ក្រុមហ៊ុនផលិតចំណីសត្វ CP នឹងប្រមូលទិញកសិផលពោត ទៅតាមស្ដង់ដាឲ្យបានល្អប្រសើរជាងមុន។
៥៖ ក្រសួងសេដ្ឋកិច្ច និងហិរញ្ញវត្ថុ នឹងសិក្សាបន្ថែមលើលទ្ធភាពបន្ធូរបន្ថយពន្ធ លើប្រាក់ចំណេញ សម្រាប់ទំនិញប្រភេទកសិផល។
៦៖ អគ្គនាយកដ្ឋានពាណិជ្ជកម្មក្នុងប្រទេស វិទ្យាស្ថានបណ្តុះបណ្តាលពាណិជ្ជកម្ម និងស្រាវជ្រាវនិងនាយកដ្ឋានអភិវឌ្ឍន៍វិស័យឯកជននៃក្រសួងពាណិជ្ជកម្ម នឹងធ្វើការសិក្សាបន្ថែមលើការអនុវត្តយន្តការកិច្ចសន្យាកសិកម្ម (Contract Farming) រវាងក្រុមហ៊ុនផលិតចំណីសត្វ និងកសិករដាំពោត ដើម្បីធានាបានស្ថេរភាពតម្លៃទីផ្សារក្នុងស្រុក និងការផ្គត់ផ្គង់។
សូមបញ្ជាក់ថាកាលពីប៉ុន្មានថ្លៃកន្លងទៅនេះមានការផ្ទុះតវ៉ារហូតបិទផ្លូវពីសំណាក់ប្រជាពលរដ្ឋ ខេត្តបាត់ដំបង ដើម្បីទាមទារឲ្យរដ្ឋាភិបាលជួយដោះស្រាយបញ្ហាធ្លាក់តម្លៃពោត៕

យោងតាម ពីគេហទំព័រ  freshnewsasia.com

Tuesday, July 18, 2017

មេរៀននៅសាលា និងមេរៀនជីវិត



នឹកឃើញកាលនៅក្មេង រៀន ថ្នាក់ បឋម គ្រូដាក់លំហាត់អោយធ្វើគឺគ្រាន់តែ ខិតខំធ្វើមិចអោយបានពន្ទុ ល្អ ។ ពេលឡើងដល់ថ្នាក់ អនុវិទ្យាល័យ លំហាត់ប្រចាំខែ និងឆមាស ពេលខ្លះត្រូវបង្ខំចិត្ត មើលមេរៀន និងដោះស្រាយ បើទោះក្នុងចិត្តកំពុងខ្ជិលក៏ដោយ ព្រោះខ្លាចធ្លាក់ ។

បន្ទាប់មក ដល់វិទ្យាល័យ ក៏ដូចគ្នា ទោះបីពេលខ្លះគេចមិនចូលរៀន តែត្រូវដោះស្រាយលំហាត់ និង ត្រៀមការប្រលងបញ្ចប់ ខ្លាចធ្លាក់ខ្មាសគេ ។ ដល់សកលវិទ្យាល័យ លំហាត់ គ្រូដាក់អោយ សម្រាប់ដោះស្រាយ និងត្រៀម ប្រលងចេញ ឬ បញ្ចប់សារណាទៀត ។

នៅពេលចេញធ្វើការ និងមានគ្រួសារ បញ្ហាជាច្រើនបានកើតឡើងបន្តបន្ទាប់រហូត ក្នុងការងារ និង គ្រួសារ តម្រូវអោយយើងត្រូវដោះស្រាយ ។

 ដល់ពេលគិតត្រលប់ក្រោយ ទើបដឹងថា លំហាត់គ្រូដាក់អោយ តាំងពីរៀន នៅថ្នាក់ បឋម ដល់ សកលវិទ្យាល័យ មិនមែនសម្រាប់តែ យកពន្ទុ ដើម្បីជាប់នោះទេ គឺបង្រៀនអោយយើងចេះដោះស្រាយបញ្ហា តាំងពីក្មេងៗមកម្លេះ ព្រោះលំហាត់កាលនៅរៀន ។

ប្រៀបដូច បញ្ហាសម្រាប់ជីវិតមនុស្សគ្រប់គ្នាដែលជួបមិនអាចគេចផុត ហើយត្រូវដោះស្រាយដោយមិនអាចគេចវែស ប្រសិនបើគេចមិនប្រឈមមុខ ឬរកវិធីដោះស្រាយ នោះនឹងធ្លាក់ប្រលងមិនជាប់ ដូចកាលនៅរៀនចឹង ។

ជីវិតរស់នៅប្រចាំថ្ងៃវិញបើដោះស្រាយលំហាត់ជីវិតមិនចេញ អាចធ្វើអោយមនុស្សម្នាក់នោះ បាក់ទឹកចិត្ត បោះបង់ខ្លួនឯង បណ្តោយតាមព្រេងវាសនា ឬធ្ងន់ធ្ងូរអាចឈានដល់ការធ្វើអត្តឃាតខ្លួនឯង ។

ដូច្នោះមនុស្សគ្រប់រូបមិនត្រូវគេចវេសបញ្ហាឡើយ ត្រូវប្រឈមមុខ រកវិធីដោះស្រាយ ដូចកាលនៅរៀន ដែលយើងខំដោះស្រាយលំហាត់គ្រូដាក់អោយចឹងដែរ។ ទោះបីធ្វើលំហាត់ខុស ឬមិនទទួលបានពន្ទុល្អ តែយើងបានរកវិធីដោះស្រាយដែរ។

ក្បួនដាក់ឈ្មោះកូនចៅ តាមថ្ងៃកើត


​ឈ្មោះមនុស្សម្នាក់ៗ មិនត្រឹមតែសំគាល់ លើអត្តសញ្ញាណបុគ្គលប៉ុណ្ណោះទេ  គឺថែមទាំងមានអត្តន័យ ទៅតាមពេលវេលាថ្ងៃកើត ។ ដូច្នោះប្រសិនបើ ចង់អោយឈ្មោះបុត្រធីតា របស់លោកអ្នក មានអត្តន័យល្អ សម្រាប់ជាឧបនិស្ស័យ នៅពេលពួកគេធំឡើង ។

ថ្ងៃនេះយើងសូមនែនាំលោកអ្នក អំពីក្បួនដាក់ឈ្មោះកូនតាមថ្ងៃកើត ដែល


បានដកស្រង់ពីសៀភៅ«ពិធីរៀបអាពា៍ពិពាហ៍ខ្មែរ» ភាគ១ ។ យោងតាមសៀវភៅនេះ ក្បួនតាំងឈ្មោះមានច្រើនយ៉ាង ដូចជាទក្សាបករណ៍ លេខសាស្រ្ត អាយតនៈ ៦មហាភូត ជាដើម។  ក្បួនតាំងឈ្មោះនេះរៀបរៀងតាមក្បួនទក្សាបករណ៍ សម្រាប់ការប្រសូត ក្នុងថ្ងៃទាំង៧ ។

វិធីសាស្រ្ត បង្កើតអោយ​មនុស្សជាទីស្រលាញ់មានភាពរីករាយ



ការបង្កើតភាពរីករាយ ដល់នរណាម្នាក់ ពិសេសមនុស្សជាទីស្រលាញ់ កំពុងពិបាកចិត្ត ឬ កើតទុក្ខ ប្រែមកអោយគាត់ កាត់បន្ថយ អាចបំភ្លេចទុក្ខកង្វល់ បាន គឺជារឿងមួយដែល ល្អ ដូចបានធ្វើបុណ្យ យ៉ាងធំធេងបំផុត ។ ដូច្នោះខាងក្រោមនេះ ជាវិធីសាស្រ្ត ខ្លះៗ ដើម្បីជួយដល់អ្នកដទៃ ឬមិត្តភក្តិ មនុស្សជាទីស្រលាញ់ អាចបំភ្លេចក្តី កង្វល់នានា ។

 1. ញញឹម ៖ ការញញឹម គឺជាកម្លាំងម្យ៉ាង ធ្វើអោយមនុស្សជុំវិញខ្លួន បាត់ការនឿយហត់ ក្តីទុក្ខមួយចំនួន។
 2. ស្តាប់រឿងរ៉ាវ របស់គាត់ដោយ យកចិត្តទុកដាក់ ។
 3. និយាយយ៉ាងណា កុំអោយគាត់មានអារម្មណ៍ឯកា ។
 4. មើលទេសភាព៖ នាំគាត់ទៅមើលទេសភាព ស្អាតៗ ពណ៌បៃតង ឬផ្កា មានពណ៌ចម្រុះ ឬទៅក្បែរមាត់ទឹក មានខ្យល់បកតិចៗ។

5. ចំអិនអាហារ ឱ្យគាត់ញុំា ។
6. និយាយរឿង កំប្លែង ហើយសើច
 7. សរសេរ អ្វីក្នុងចិត្ត ទៅកាន់មនុស្សជាទីស្រលាញ់

 8. អោយគាត់អានសៀវភៅ ណាដែលចូលចិត្ត
 9. និយាយ សរសើរ លើកកម្លាំងចិត្ត និងនិយាយអ្វីៗ ដែលគាត់បានធ្វើល្អៗ
10. ផ្តល់ការអោប ដោយភាពស្មោះត្រង់
 11. និយាយដោយ ទឹកចិត្តស្មោះត្រង់ ថា ខ្ញុំ ចូលចិត្ត ឬស្រលាញ់ គាត់

12. ជួយគាត់ អោយមានភាពតស៊ូ និងខិតខំប្រឹងប្រែង ចំពោះឧបសគ្គ 
13. យើងត្រូវគិតថា មានមោទនភាពចំពោះ គាត់
14. នាំគាត់  ធ្វើកិច្ចការអ្វីម្យ៉ាង ដាំផ្កា ដើមឈើ សំអាតផ្ទះ ។

Friday, July 14, 2017

ម្ចាស់សៃឡូ ព្រម​ទិញកសិកផល ក្នុងតម្លៃ ៣.៤ បាត បន្ទាប់ពីកសិករបិទផ្លូវតវ៉ា


 រូបកោះសន្តិភាព

ម្ចាស់សៃឡូ ព្រមទទួលទិញកសិផល ប្រមាណ ៣.៤ បាត់ បន្ទាប់ពីរកសិកធ្វើការបិទផ្លូវ នៅស្រុកកំរៀង កាលពីថ្ងៃទី ១៣  កក្កដា ដោយតម្លៃពោតថោក និងលក់មិនចេញ ។ ក្រោយមកអភិបាលភិបាលខេត្តបាត់ដំបង កោះប្រជុំជាបន្ទាន់ ជាមួយ ស្រុកទាំង១៤ និងម្ចាស់សៃឡូ ដើម្បីរកច្រកចេញ តម្លៃទីផ្សារកសិផលរបស់កសិករ នៅថ្ងៃទី ១៤ កក្កដា នៅសាលាខេត្តបាត់ដំបង ។

យោងតាម Page facebook រដ្ឋបាលសាលាខេត្តបាត់ដំបង អោយដឹងពីលទ្ធផលក្នុងកិច្ចប្រជុំនោះថាម្ចាស់សៃឡូ យល់ព្រមទទួលទិញពោតពីកសិករក្នុងតម្លៃ ៣.៤ បាតសម្រាប់ពោតស្ងួតដែលមានសំណើមក្រោម ៣០ ។
បន្ទាប់ពី ឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបង ពិភាក្សាជាមួយរដ្ឋបាលក្រុង ស្រុក និងម្ចាស់សៃឡូ ដែលប្រមូលទិញកសិផលនៅក្នុងខេត្តបាត់ដំបង ដើម្បីស្វែងរកដំណោះស្រាយរួមគ្នាលើតម្លៃទីផ្សារកសិផល ពោតក្រហម ជូនដល់ប្រជាកសិករ ។

លើសពីនេះម្ចាស់សៃឡូបង្ហាញពីមូលហេតុដែលពួកគេ មិនបានទិញពោតពីកសិករ ឬទិញក្នុងតម្លៃថោក ដោយសារ បញ្ហាសំខាន់ដែលខាងអាជីវករម្ចាស់សៃឡូលើកឡើងគឺបញ្ហាខ្វះឡសម្ងួតពោត បើសិនជាពោតស្ងួតគឺមានតម្លៃ និងមានទីផ្សារ និងមួយទៀតគឺដោយសារតែការនាំចេញទៅថៃ មានច្រើនធ្វើឲ្យចាល់ ព្រោះការលក់ចេញរបស់ពួកគាត់គឺថៃជាអ្នកទិញ  ហើយបញ្ហាមួយទៀតដែលកសិករលក់បានតម្លៃទាប គឺមកពីកសិករឆាប់ធ្វើការប្រមូលផល មានន័យថាប្រមូលផលពោតមិនទាន់គ្រប់អាយុនៃការប្រមូលផល និងមានភ្លៀងច្រើនធ្វើឲ្យគុណភាពពោតមិនសូវបានផលល្អ ។


 ឯកឧត្តម ច័ន្ទ សុផល អភិបាលខេត្តបាត់ដំបង បានទទួលយកសំណូមពរមួយចំនួនរបស់អាជីវករ ដែលជាម្ចាស់សៃឡូ ទាក់ទងរឿងឡសម្ងួត និងរឿងសុំពន្យាសេអូរ គឺសុំឲ្យសហការជាមួយលោកឧកញ៉ា ភូ ពុយ ចំណែករឿងការនាំចេញនៅមាត់ច្រក និងទំនាក់ទំនងជាមួយភាគីថៃ ខេត្តនឹងធ្វើប្រជុំ នឹងសុំគោលការណ៍ទៅក្រសួងពាក់ព័ន្ធដើម្បីដោះស្រាយបញ្ហានេះ ។


សូមបញ្ចាក់ថា ឯកឧត្តម ច័ន្ទ សុផល អភិបាលខេត្តបាត់ដំបង  បានកោះហៅប្រជុំបន្ទាន់ថ្ងៃទី១៤ កក្កដា នេះ ដើម្បីរកដំណោះស្រាយទីផ្សារកសិផល ដែលជាការឆ្លើយតបទៅតាមសំណូមពររបស់កសិករ ដែលបានធ្ចើបាតុកម្មតវ៉ាបិទផ្លូវកាលពីរសៀលថ្ងៃទី១៣ កក្កដា ស្ថិតត្រង់ចំណុចឃុំតាក្រី ស្រុកកំរៀង ។
អ្នកដែលត្រូវចូលរួមប្រជុំ អភិបាលគ្រប់ស្រុក និងឈ្មួញកណ្ដាល ឬថៅកែទិញ,លក់កសិផលធំៗ នៅក្នុងខេត្តបាត់ដំបង។

Friday, July 7, 2017

ពាក្យសម្តី១៣ចំនុច នាំមកសេចក្តីសុខ


ប្រភពgoogle:រូបតំណាង















ពាក្យសម្តីគឺជាឱសថ ព្យាបាល បន្សាបកំហឹង  និងនាំមកសន្តិភាព ប៉ុន្តែពាក្យសម្តីក៏ជាអាវុធ  នាំមកនូវជំលោះ គ្រោះថ្នាក់  កើតសង្គ្រាម ។  ដូច្នោះ ធ្វើដូចម្តេច ដើម្បីអោយការនិយាយ ទទួលបានផលប្រយោជន៍ សេចក្តីសុខ ។
ខាងក្រោមនេះ ជាចំនុចៗ សម្រាប់អនុវត្តន៍៖


1. និយាយជាមួយម្តាយ ដោយក្តីស្រលាញ់

2. និយាយជាមួយឪពុក ដោយសេចក្តីគោរព

3. និយាយជាមួយភរិយា ដោយសេចក្តីស្មោះត្រង់

4. និយាយជាមួយបងប្អូនស្រី ដោយសេចក្តីស្រលាញ់

5. និយាយជាមួយកូន ដោយសេចក្តីអំណរ

6. និយាយបងប្អូនប្រុស ដោយសេចក្តីស្មោះអស់ពីចិត្ត

7. និយាយជាមួយសាច់ញាតិ ដោយសេចក្តីយល់ចិត្តថ្លើម

8. និយាយជាមួយ មិត្តភក្តិដោយសេចក្តីរីករាយ

9. និយាយជាមួយ មន្រ្តី ដោយសេចក្តីថ្លៃថ្នូរសុភាពរាបសា

10. និយាយជាមួយ អ្នកលក់ដូរ ដោយសេចក្តីម៉ត់ចត់

11. និយាយជាមួយ អតិថជនដោយសេចក្តីស្មោះត្រង់

12. និយាយជាមួយ បុគ្គលិក ដោយសេចក្តីគួរសម

13. និយាយជាមួយ អ្នកនយោបាយ ដោយសេចក្តីប្រុងប្រយ័ត្ន

Tuesday, July 4, 2017

សត្វស្លាបក្នុងតំបន់ព្រែកទាលរងការបាត់បង់

មន្រ្តី និងសហគមន៍ ឃុំកោះជីវាំង លើកឡើងថា ប្រភេទសត្វស្លាប ក្នុងតំបន់អភិរក្សព្រែកទាល រងការបាត់បង់ ដោយសារភ្លើងឆេះព្រៃ និងរាំងស្ងួតកាលពីឆ្នាំ ២០១៦កន្លងទៅ ។ ម្យ៉ាងទៀតតំបន់នោះគឺជាកន្លែង ទាក់ទាញភ្លៀវទេសចរ ដំណើរកំសាន្ត ទស្សនាពពួកសត្វផ្សេងៗ ផងដែរ ។

លោក ហ៊ុន រដ្ឋា ប្រធានគណៈកម្មកាសហគមន៍ឃុំកោះជីវាំង ប្រាប់ថាបច្ចុប្បន្ននេះ សត្វរស់នៅតំបន់ព្រែកទាល គឺមានការបាត់បង់ដោយសារ ភ្លើងឆេះព្រៃ  ភាពរាំងស្ងួត  កាលពីឆ្នាំមុន  ធ្វើអោយសត្វទាំងអស់ ផ្លាសទីទៅកន្លែងផ្សេងៗ ។

លោក បន្តថាក្នុងឆ្នាំភ្ងៀវទេសចរណ៍ ហាក់មិនសូវមាន ដោយធម្មជាតិនៅទីរងការបាត់ដំបង រយៈកាលកន្លងទៅ ។ម្យ៉ាងទៀត លោកថាដោយសារមានសម្លេងកាណូត ច្រើន ធ្វើអោយសត្វចាក់ចេញពីកន្លែងធ្លាប់រស់ផងដែរ ។

ចំណែក លោក គុយ អាន ជំទប់ទី១នៃ ឃុំកោះជីវាំងថ្លែងទទួលស្គាល់ថា សត្វស្លាប តំបន់ព្រែកទាលរងការបាត់បងមែន  ។តែក្រៅពីនេះ លោកថាការងារ នៅលើបរិស្ថានបរិស្ថាន ។ ម្យ៉ាងទៀតកន្លងទៅលោកថាឃុំធ្លាប់បានស្នើរអោយដាក់តំបន់នោះ ជាតំបន់អេកូទេសចរណ៍ សម្រាប់ឃុំដែរ ។

ទាក់ទងបញ្ហានេះ លោក ឡុង ខេង នាយកគ្រប់គ្រងតំបន់ស្នូលព្រែកទាល់ ទទួលស្គាល់ថាពិតជាមានករណីកើតឡើងមែន ដែលធ្វើអោយរងផលប៉ះពាល់ដល់សត្វស្លាប ។ តែលោកថាក្រុមអភិរក្សក៏បានយកចិត្តទុកដាក់ទប់ស្កាត់ ដើម្បីរក្សាពូជសត្វស្លាបកុំអោយបាត់បង់បន្តទៀត និង ទាក់ទាញទេសចរណ៍ផងដែរ។ ម្យ៉ាងទៀត លោកក៏សូមអោយមានការចូលរួមពីមន្រ្តីឃុំ និងសហគមន៍ផងដែរ ក្នុងការការពារកុំអោយបាត់បង់សត្វក្នុងតំបន់នោះ ។

ព្រែកទាល់ដែលជារមណីយដ្ឋានអេកូទេសចរណ៍ស្ថិតនៅភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង ត្រូវបានគេចាត់ទុកថាជាមជ្ឈមណ្ឌលសត្វស្លាបកម្រនិងជិតផុតពូជមួយនៅអាស៊ី។សត្វស្លាបដែលជិតផុតពូជទាំងនោះរួមមាន ត្រដក់ធំ ពពូលទឹក ទង់ ត្រយ៉ង ស្មោញ និងរនាលពណ៌ជាដើម។
ទោះយ៉ាងណា លោក ហ៊ុន ដ្ឋារទ្ធ ប្រធានគណៈកម្មកាសហគមន៍ឃុំកោះជីវាំង សំនូមព័រ អោយមានការបង្កើតសហគមន៍ទេសចរណ៍ ដើម្បីប្រមូលចំណូល យកអភិវឌ្ឍន៍ ក្នុងឃុំ។

សូមបញ្ជាក់ថា កាលពីឆ្នាំ២០០១ ដំបន់ស្នូលព្រែកទាល់ដែលមានទំហំប្រមាណ ២១ ៣៤២ ហិចតាត្រូវបានកំណត់ជាតំបន់អភិរក្សសត្វស្លាបដ៏ធំបំផុតនៅអាស៊ីអាគ្នេយ៍។ កាលពីឆ្នាំ២០១៥តំបន់នេះក៏ ទទួលស្គាល់ថាជាតំបន់ដីសើមដែលមានសារៈសំខាន់ជាអន្តរជាតិផងដែរ៕

Friday, June 30, 2017

ការដោះស្រាយភាពតានតឹង ក្នុងអារម្មណ៍នៅពេលជួបឧបសគ្គ

មនុស្សគ្រប់គ្នារស់នៅប្រចាំថ្ងៃ តែងតែជួបបរិស្ថាននៅជុំវិញខ្លួន ឬជួបឧបសគ្គ នាំអោយអារម្មណ៍ប្រែប្រួលទៅជា ខឹងក្រោធ សោកសៅ អស់សង្ឈឹម ហើយករណីបែបនេះ ធ្វើអោយយើង មានការកានតឹង ផ្នែកផ្លូវចិត្ត ដូចជា ស្មុកស្មាញ គិតអីមិនចេញ ធ្វើអោយរាងកាយមិនរហ័សរហួន ទៅជាខ្ជិល ។


ប្រសិនបើជួបបញ្ហាបែបនេះ យើងបណ្តោយអោយ មិនរកវិធីដោះស្រាយ នាំអោយកើតទៅជាជំងឺស្រ្តេស នាំអោយប៉ះពាល់សុខភាពរាងកាយ ដោយមិនដឹងខ្លួន ។
ខាងក្រោមនេះជាវិធីសាស្រ្តងាយៗ ដោយសម្រាប់អនុវត្តន៍ អោយយើងមានភាពប្រសើរឡើងវិញ៖

1, អានសៀវភៅ៖ ព្យាយាមអានសៀវភៅ ណាដែលយើងចូលចិត្ត ព្រោះថាការអានសៀវភៅធ្វើអោយអារម្មណ៍ស្ងប់ និងអាចស្វែងរកចំនេះដឹងថ្មីៗ ជាផ្លូវដោះស្រាយដោះស្រាយបញ្ហាដែលយើងកំពុងជួបក៏ថាបាន។

2, ការដកដង្ហើមចេញចូលវែងៗ៖ការប្រើចលនាដង្ហើម ចេញចូលក៏មានសារៈសំខាន់ណាស់ដែរ ព្រោះវាអាចធ្វើអោយបេះដូង មានចលនាល្អ ចំណែកខួរក្បាលវិញ ធ្វើអោយប្រពន្ធប្រសាទ ទទួលបានខ្យល់ឧស៊ីនសែនគ្រប់គ្រាន់ ។ ម្យ៉ាងទៀតការធ្វើបែបនេះ គួរទៅរកកន្លែង ដែលមានទេសភាព បៃតង និងមានខ្យល់អាកាសល្អ។

3,រកមិត្តភក្តិស្និទ្ធជជែកលេង៖ ការជជែកលេង ពីនេះពីនោះ នាំអោយបង្កើតបរិយាកាល រីករាយ ហើយអាចបំបាត់ក្តីកង្វល់នានា ដោយមិនដឹងខ្លួន ។

4, ហាត់ប្រាណ៖ ការលេងលេងកីឡា បាលទាត់ បាលទះ ឬកីឡាផ្សេងៗ ទៀត សុទ្ធតែធ្វើអោយរាងកាយយើងរឹងមាំ។ ម្យ៉ាងទៀត សកម្មភាពរត់ តិចៗ ក្នុងមួយថ្ងៃយ៉ាងហោច ១៥ នាទី ពេលល្ងាច ឬពេលព្រឹក គឺជួយអោយបេះដូង មានមានចលនាល្អ ឬហែលទឹក ទាំងនេះធ្វើអោយផ្លូវចិត្តយើងរឹងមាំ មិនងាយប្រតិកម្មអារម្មណ៍ ជាមួយនិងបរិស្ថានជុំវិញខ្លួនឡើយ ។

5, មានគោលដៅសម្រាប់ជីវិតខ្លួនឯង៖ មនុស្សម្នាក់ៗតែមានគោលដៅ ក្តីស្រមៃរាងៗខ្លួន ប៉ុន្តែគោលដៅ និងក្តីស្រមៃទាំងអស់នោះ អាចក្លាយជាការពិត អាស្រ័យលើកម្មភាពប្រចាំថ្ងៃ ។ តើសកម្មភាពប្រចាំថ្ងៃទាំងនោះ ឆ្ពោះទៅរកគោលដៅ និងក្តីស្រមៃនោះដែរទេ? ប្រសិនបើមានយើងមាន គោលដៅ ក្តីស្រមៃ និងកំពុងមានសកម្មភាព គឺជាការជំរុញទឹកចិត្ត កម្លាំងចិត្ត ការព្យាយាមតស៊ូ ដើម្បីគោលដៅ និងក្តីស្រមៃ ដោយមិនបានផ្តេកផ្តួល និងឧបសគ្គ នាំអោយយើងខ្វាយខ្វល់ តានតឹងក្នុងអារម្មណ៍ ព្រោះគិតថាគ្រាន់តែជារឿងធម្មតា សម្រាប់ជីវិតមនុស្ស ។

សូមបញ្ជាក់ នៅពេលមានអារម្មណ៍តានតឹង ឬ បាក់ទឹកចិត្តរឿងអ្វីមួយកុំព្យាយាម ផឹកស្រាដើម្បីបំបាត់ក្តីកង្វល់ អោយសោះ ព្រោះកាន់តែធ្វើអោយខួរក្បាលយើងស្ពឹក ឬបំភ្លេចក្តីកង្វល់បានតែមួយគ្រាប៉ុណ្ណោះ មិនអាចជួយអ្វីបានប្រសើរឡើយ ។ ម្យ៉ាងទៀត ធ្វើអោយខូចសុខភាព ខ្លួនឯងថែមទៀតផង ។

​បញ្ហាប្រឈមរបស់កុមារ រស់នៅរើសសម្រាមក្នុងទីលានចាក់សម្រាម

កុមារតាមឪពុកម្តាយ ទៅរើសសម្រាម នៅទីលានចាក់សម្រាម ក្នុងសង្កាត់ចំការសំរោង នៃក្រុងបាត់ដំបង ត្រូវបានគេមើលឃើញថាមានបញ្ហាប្រឈម ដូចជាការបាត់បងការសិក្សា បរិភោគអាហារគ្មានអានាម័យ ពិសេសសុខភាព ។ បញ្ហានេះ ដោយអាណាព្យាបាលរបស់ពួកគេ មានជីវភាពក្រីក្រ ការរស់នៅពឹងផ្នែក ការរើសអេតចាយ ដើម្បីជីវភាពប្រចាំថ្ងៃ។


រាងស្គមខ្ពស់បន្តិច កុមារអាយុជាង ១០ ទើបមកពីរើសអេតចាយ ក្នុងគំនរសម្រាម បានរៀបចំខ្លីៗ ការមករស់នៅទីជាទម្លាមទៅហើយ។ កុមារនោះបន្តថា ខ្លួនរៀនបានថ្នាក់បឋមប៉ុណ្ណោះ ហើយក៏បោះបង់ការសិក្សា ដោយសារគ្រួសារក្រពេក ក៏មករើសសម្រាម ជាមួយគ្រួសារគ្រាន់បានលុយខ្លះ សម្រាប់ចាយ ។

ចំណែកកុមារ ម្នាក់ទៀត រ៉ានី អាយុ ១២ ឆ្នាំ បច្ចុប្បន្ននេះរៀនថ្នាក់ទី៦ ក្រៅពីទំនេរពីការសិក្សា កុមាររូបនេះមកទីលានចាក់សម្រាមរើសអេតចាយ ដើម្បីបានលុយបន្តិចបន្តួច យកអោយម្តាយ ពីការលក់អេតចាយ ។ កុមាររូបនេះបន្តថា មួយរយៈនេះ ឈប់រើសហើយ យកពេលរៀននៅសាលា និងក្នុងអង្គការcomped ។

រីឯយុវជន វ័យជាង ២០ឆ្នាំ ក៏ជាអ្នករើសអេតចាយ នៅទីនោះដែរ មើលឃើញថា មានគ្រួសារជិត១០ ដែលរស់នៅពឹងផ្អែកមុខរបរើសអេតចាយ លើគំនរសម្រាម ហើយគ្រួសារទាំងអស់ក៏មានកូន មកជាមួយដើម្បីជួយរើសឪពុកម្តាយ ។ យុវជនរូបនេះ មើលឃើញថា កុមារអាចមានការប៉ះពាល់ច្រើន ចំពោះសុខភាព និងការរៀនសូត្រ ព្រោះទីនោះផ្សែង សត្វរុយច្រើន គឺកខ្វក់ណាស់ ។ យុវជនរូបនេះ បន្តថាគ្មានអ្នកណា ចង់ធ្វើបែបនេះទេ តែដោយសារក្រ គឺដើម្បីក្រព្រះ ។

ទាក់ទងករណីនេះ កញ្ញា ស៊ន ស៊ីណា បុគ្គលិកគម្រោង នៃអង្គការ Comped ដែលមានទីតាំងក្បែរកន្លែងចាក់សម្រាម ហើយជួយដល់កុមារក្រីក្រ ផ្តល់អាហារ រៀនភាសាអង់គ្លេស និងការសម្អាតដល់កុមារ ។ កញ្ញារៀបរាបថាមានកុមារ ២០នាក់ មកតាមគ្រួសារ រើសអេតចាយ ។ កញ្ញាថា អង្គការបានផ្តល់ អាហារសម្រាប់កុមារ តាមវេនព្រឹក និងល្ងាច។
«យើងត្រូវទៅដើររកគាត់នៅកន្លែងរើសសម្រាម អោយមកញាំអីនៅនេះ ងូតទឹកអោយគាត់ សម្អាតខ្លួន តែនៅពេលរួច គាត់ទៅរើសអេតចាយលើគំនរសម្រាមដដែល ហើយពេលខ្លះគាត់មុតអំបែងកែវ ខ្ញុំនាំគាត់មកលាបថ្នាំអោយទៅ គួរអោយអាណិតណាស់ ។»

លើសពីនេះ លោក យាត កំសាន្ត មន្រ្តីសម្របសម្រួលអង្គការលីកាដូ យល់ថាបច្ចុប្បន្ននេះ កុមារមួយចំនួន នៅតែមានការរំលោភបំពានលើសិទ្ធិរបស់ពួកគេ ដូចជាការរំលោភបំពានផ្លូវភេទ កម្លាំងពលកម្ម ។ លោកថាហេតុផលសំខាន់គឺ ដោយសារជីវភាពគ្រួសារ។ ដូច្នោះលោកថា ដើម្បីអោយកុមារទទួលបានសិទ្ធិរបស់ខ្លួន អាណាព្យាបាល សហគមន សង្គមស៊ីវិល និង មន្រ្តីពាក់ព័ន ត្រូវតែចូលរួមបន្ថែមទៀត ពិសេសអាព្យាបាលត្រូវយកចិត្តទុកដាក់ដល់ក្មេងៗ អោយបានល្អប្រសើរ ដើម្បីក្លាយជាទំពាងស្នងឬស្សី។

ប៉ុន្តែយ៉ាងណា លោក ភួង សិទ្ធ ប្រធានការិយាល័យសុខុមាលភាពកុមារ នៃមន្ទីរសង្គមកិច្ចខេត្តបាត់ដំបង ធ្លាប់បានថ្លែងក្នុងកម្មវិធីសន្ទនាមតិកន្លងទៅថា មន្ទីរ និងអ្នកពាក់ព័ន បានខិតខំលើកកម្ពស់សិទ្ធកុមារ ការពារកុមារ រហូតនៅថ្នាក់ឃុំសង្កាត់ជាដើម ។ ប៉ុន្តែលោកទទួលស្គាល់ កុមារមួយចំនួននៅតែមានការ រំលោភសិទ្ធិរបស់ពួកគេ ដោយសារកត្តាជីវភាពគ្រួសារ តែមន្ទីរនឹងខិតខំយកចិត្តទុកដាក់បន្ថែមទៀត ។

សូមបញ្ជាក់សិទ្ធិកុមារទូទៅមាន សិទ្ធិទទួលបានសេចក្តីត្រូវការមូលដ្ឋានសម្រាប់រស់នៅ អាហារ ទីជំរក សំលៀកបំពាក់ ការថែទាំសុខភាព សិទ្ធិក្នុងការរៀនសូត្រដោយសេរីនៅសាលាបឋមសិក្សា,សិទ្ធិក្នុងការការពារពីការកេងប្រវ័ញ្ចផ្នែកសេដ្ឋកិច្ច ឬការងារណាមួយដែលរំខានដល់ការរៀនសូត្រ ឬប្រកបដោយគ្រោះថ្នាក់ និងប៉ះពាល់ដល់សុខភាពរាងកាយ សតិអារម្មណ៍ និងការវិវត្តន៍ក្នុងសង្គម ។

មនុស្សចាស់មានកូនតូច សម្រាប់សម័យបច្ចុប្បន្ន


មនុស្សវ័យចាស់ភាគច្រើន បច្ចប្បន្ននេះ បានលើកឡើងពីការ ទទួលបន្ទុកមើលថែចៅ  ពិសេសអ្នកស្ថិតក្នុងគ្រួសារមានជីវភាព មិនសូវធូធារ  ដោយមនុស្សចាស់មានភារៈកិច្ចចៅ  ខណៈអ្នកពេញកម្លាំងបានចេញធ្វើការងារឆ្ងាយៗ ឬចំណាក់ស្រុក ដើម្បីស្វែងរកប្រាក់ចំនូលផ្គត់ផ្គង់ត្រឡប់មកគ្រួសារ  ។

វ័យជាង៦០ឆ្នាំ អ្នកស្រី ប៉ិច វ៉ុន តំណាងមនុស្សចាស់  ក្នុងសហគមន៍ បានរៀបចំរាបក្នុង វេទិការពិភាក្សា មួយកាលពីថ្ងៃទី ១៥ មិថុនា កន្លងទៅ ដែលនិយាយអំពីសិទ្ធិ និង ការទទួលបានរបស់មនុស្សចាស់ បង្ហាញ មនុស្សនាពេលបច្ចុប្បន្ននេះ  កំពុងប្រឈមបាត់បង់សិទ្ធិ របស់ពួកគាត់ ដោយសារទទួលបន្ទុកមើលថែចៅៗ ដោយសារកូនៗបានចេញទៅធ្វើការ ចំណាក់ស្រុក ឬអ្នកខ្លះទុកមនុស្សចាស់ចោល ដោយគ្មានទំនួលខុសត្រូវ ។
 អ្នកស្រីបន្ថែមថា សូមអោយមានការបង្កើតសមាគមន៍ អោយបានគ្រប់ភូមិឃុំ  និងឈានដល់ថ្នាក់ក្រសួង ដើម្បីអោយមនុស្សចាស់រស់នៅមានភាពល្អប្រសើរ។

សូមបញ្ជាក់ថា មនុស្សចាស់គួរតែទទួលបានការរស់នៅសមរម្យ និងមាន សិទ្ធិទទួលបានការងារ លក្ខណការងាត្រឹមត្រូវ  សម្រាកលំហែ  រស់នៅជីវភាពសមរម្យ  ទទួលបានការអប់រំ សន្តិសុខសង្គម,  ទំនាក់ទំនង,  សេវាសង្គម, គោរពសាសនាជំនឿ។



ទាក់ទងបង្ហាញនេះ លោក សូលី វណ្ណប៉ុក អគ្គនាយករង បច្ចេកទេស និងជាទីប្រឹក្សាលេខាងធិការ តំណាងក្រសួងសង្គមកិច្ចថ្លែងក្នុងវេទិការនោះ បានទទួលស្គាលអំពីផលកំបាករបស់មនុស្សចាស់ ដែលកំពុងទទួលបន្ទុក មើលថែចៅៗ ។ ប៉ុន្តែបញ្ហានេះ លោកថា ក្រសួងកំពុងគិតគូ គោលនយោបាយសម្រាប់មនុស្សចាស់ ក្នុងឆ្នាំ២០១៧នេះ  ដើម្បីធ្វើយ៉ាងណា ជួយដល់មនុស្សចាស់ក្រីក្រ ។

 ចំណែកឯលោក ហាក់ ចំរើន មន្រ្តីការិយាល័យសុខមាលភាពសង្គម មន្ទីរសង្គមកិច្ចបាត់ដំបងមានប្រសាសន៍ថា មនុស្សចាស់ទូទៅអាយុ ៦១ឆ្នាំឡើងទៅគឺស្ថិតនៅក្នុងគ្រប់គ្រងរបស់សង្គមកិច្ច ចំពោះមន្រ្តីរាជការ ។
ប៉ុន្តែលោកថាមន្ទីរសហការ ជាអង្គការ បង្កើត ៩៣សមាគមន៍ កាលពីឆ្នាំ ២០១៦ គ្របដណ្តប់១៤ស្រុកនៅក្នុងខេត្តបាត់ដំបង ហើយឆ្នាំ២០១៧នេះគ្រោងបង្កើត  ៤០ សមាគមន៍ទៀត ។

ចំណែក លោក ឃុត ណារី តំណាងអង្គកាសិទ្ធិមនុស្ស ថ្លែងក្នុងវេទិការនោះដែរថា  រាជរដ្ឋាភិបាលត្រូវតែ ទម្លាក់កញ្ចប់ថវិការណាមួយ ដើម្បីជួយដល់ជនចាស់ជរា ហើយកូនវិញ ត្រូវផ្គត់ផ្គង់ម្តាយជាជនចាស់ជរា ដើម្បីអោយពួកគាត់រស់នៅមានភាពល្អប្រសើរ។

 ទោះយ៉ាងណាលោក ទំ វីរ៉ា នាយកប្រត្តិបត្តិ នៃអង្គការមនុស្សចាស់កម្ពុជាថ្លែងថា រាជរដ្ឋាភិបាលគួរបង្កើតច្បាប់ ទាក់ទងមនុស្សចាស់ គឺជាកាតព្វកិច្ច និងការទទួលខុសត្រូវ ប្រសិនបើមានអ្នកបង់បង់មនុស្ស ចោល ត្រូវមានទោសជាដើម។

 មនុស្សចាស់បានស្នើអោយមានការយកចិត្តទុកដាក់ពីសង្គមអោយមានប្រសិទ្ធិភាព និងកូនចៅ មានតួនាទីផ្គត់ផ្គង់ ថែរក្សា ជៀសវាងទុកមនុស្សចាស់ចោល រស់នៅដោយអស់សង្ឍឹម នៃជីវិតចុងក្រោយរបស់ពួកគាត់ ។ បើយោងតាមជំរឿន ឆ្នាំ២០១៣ បង្ហាញថាមនុស្សចាស ក្នុងប្រទេសកម្ពុជា មានអាយុ ៦០ ទៅ ចំនួន ១.៣លាននាក់ ក្នុងចំណោម ប្រជាសរុប ជាង ១៥លាននាក់ ស្នើនឹង ៨.៤ភាគរយ ។

Wednesday, June 28, 2017

ធ្វើដូចម្តេច ទើបទទួលបានសុភមង្គលក្នុងគ្រួសារ

គ្រួសារសំដៅ ប្តីប្រពន្ធកូន ឬអ្នករស់នៅក្រោមដំបូលផ្ទះតែមួយ ប៉ុន្តែពេលនេះយើងនិយាយតួអង្គពីរសំខាន់ គឺប្តីប្រពន្ធ ព្រោះអ្នកទាំងពីរនេះ ប្រៀបដូចជា អ្នកដឹកនាំ និងកាន់ចង្កូតនាវាជីវិត លើមហាសមុទ្រ ដ៏ល្វឹងល្វើយ ។ តួអង្គពីរនេះ ជាអ្នកនាំមកនៅសេចក្តីសុខ សុភមង្គលក្នុងគ្រួសារ ។


គ្រួសារគ្រប់រូបគ្មាន អ្នកណាមួយ មិនចង់បានសុភមង្គល រស់នៅជួបជុំ សប្បាយរីករាយនោះឡើយ ។ តែយ៉ាងណា ក៏មានគ្រួសារខ្លះ មានសុភមង្គល  ក្នុងគ្រួសារ និងគ្រួសារខ្លះទៀត រស់នៅគ្មានសុភមង្គល រហូតដល់ ចែកផ្លូវគ្នាដើរ រៀងៗខ្លួនក៏មាន  ។

គ្រួសារសំដៅ ប្តីប្រពន្ធកូន ឬអ្នករស់នៅក្រោមដំបូលផ្ទះតែមួយ ប៉ុន្តែពេលនេះយើងនិយាយតួអង្គពីរសំខាន់ គឺប្តីប្រពន្ធ ព្រោះអ្នកទាំងពីរនេះ ប្រៀបដូចជា អ្នកដឹកនាំ និងកាន់ចង្កូតនាវាជីវិត លើមហាសមុទ្រ ដ៏ល្វឹងល្វើយ ។ តួអង្គពីរនេះ ជាអ្នកនាំមកនៅសេចក្តីសុខ សុភមង្គលក្នុងគ្រួសារ ។ គ្រួសារគ្រប់រូបគ្មាន អ្នកណាមួយ មិនចង់បានសុភមង្គល រស់នៅជួបជុំ សប្បាយរីករាយនោះឡើយ ។

តែយ៉ាងណា ក៏មានគ្រួសារខ្លះ មានសុភមង្គល  ក្នុងគ្រួសារ និងគ្រួសារខ្លះទៀត រស់នៅគ្មានសុភមង្គល រហូតដល់ ចែកផ្លូវគ្នាដើរ រៀងៗខ្លួនក៏មាន  ។ ដូច្នោះ ធ្វើយ៉ាងណា ដើម្បីអោយគ្រួសាររស់នៅប្រកបដោយសុភមង្គល? ជាទូទៅគេសង្កេតឃើញមានកត្តាមួយចំនួន ដែលនាំអោយមានសុភមង្គលគ្រួសារមានដូចជា៖

• ក្តីស្រលាញ់៖ ការស្រលាញ់ គ្នាទៅវិញទៅមក បង្កើតទៅជាមនោសញ្ចេតនា ដ៏ជ្រាលជ្រៅ នៅពេលជួបឧបសគ្គមិនងាយប្រះឆាឡើយ ។

• ការអត់អោន ៖ ធម្មតាមនុស្ស តែងតែ មានកំហុស ដូច្នោះរវាងប្តីប្រពន្ធគួរប្រើបេះដូង អត់អោន អាធ្យាស្រ័យ ចំពោះរឿងតូច កុំធ្វើអោយទៅជារឿងធំ ត្រូវរកវិធីដោះស្រាយ ដោយសន្តិវិធី និងត្រូវមានគោលដៅរួម ហើយម្នាក់ថយមួយជំហ៊ាន កុំអោយចង់ឈ្នះរៀងៗខ្លួន ព្រោះអ្នកឈ្នះ និងចាញ់ គ្មានប្រយោជន៍ ដល់គ្រួសារឡើយ។

• ភាពស្មោះត្រង់ ៖ ត្រង់ចំនុចនេះ សំខាន់ណាស់  ស្មោះស្មគ្រ័ប្តីមួយប្រពន្ធមួយ  បង្កើតជាទំនុកចិត្តដ៏រឹងមាំរវាងគ្នាទៅវិញទៅមក។ ម្យ៉ាងទៀតភាពស្មោះត្រង់នេះ មិនថាក្នុងសង្គមគ្រួសារ សូម្បីសង្គមខាងក្រៅ ក៏ត្រូវប្រកាន់យកដែរ ព្រោះនាំអោយមានទំនាក់ទំនងល្អ ជាមួយមនុស្សទូទៅ ។

• បង្កើតបរិយាកាសរីករាយ៖ ទោះបីមានភាពមមាញឹកនិងការងារប្រចាំថ្ងៃយ៉ាងណាក៏ដោយ ប្តីប្រពន្ធ ត្រូវចេះរកពេលវេលាជួបជុំគ្រួសារ ដើរកំសាន្តថ្ងៃអាទិត្យ ដើម្បីបង្កើតបរិយាកាសរីករាយ ជាមួយកូនចៅ ប្តីប្រពន្ធ តាមរមណីដ្ឋាននានា ។
• ចេះជួយការងារ៖ សង្គមយើងបច្ចុប្បន្ននេះ ត្រូវបានគេមើលឃើញថា កិច្ចការងារផ្ទះ ដាំបាយ បោកខោអាវ បោសជូនផ្ទះ និងការងារកំប៉ិកកំបុកផ្សេងៗទៀត ជាកិច្ចការងាររបស់ស្រ្តីជាប្រពន្ធ ចំណែកការងាររកលុយគឺជាបុរស ។ ដូច្នោះដើម្បីគ្រួសារមានសុភមង្គល រីករាយ ត្រូវលុបផ្នត់គំនិតនេះចោល  ត្រូវជួយគ្នាទៅវិញទៅមក។ ឧទាហរណ៍៖ ប្តីមកពីធ្វើការងារ ឃើញកិច្ចការងារប្រពន្ធ ដាំស្លមិនទាន់រួច ក្នុងនាមជាប្តី ត្រូវចេះជួយ បេះបន្លែ មើលកូន ។
• មិនត្រូវធ្លាក់ខ្លួនក្នុងអំពើអបាយមុខ៖    ការប្រព្រិត្ត  ស្រី ស្រា ល្បែង ដែលនាំអោយមនុស្សបាត់បង់ សតិសម្បជញ្ញៈ នាំមកនូវក្តីវិនាស ។

• ស្វែងរកទ្រព្យសម្បត្តិ៖ ការខិតខំស្វែងរកលុយ ជាកាតព្វកិច្ចរបស់ មនុស្សគ្រប់រូប ពិសេសនៅពេលមានគ្រួសារ  ព្រោះលុយនាំអោយសេចក្តីសុខផ្លូវកាយ ព្យាបាលនៅពេលឈឺ  ការហូបប្រចាំថ្ងៃ ទិញសំភារៈ ផ្សេងៗ ផ្គត់ផ្គង់គ្រួសារ  ដើរកំសាន្ត រស់នៅមានផាសុខភាព អោយកូនរៀន  ធ្វើបុណ្យទាន ជាដើម។

សូមចាំថាគ្មានអ្នកណាម្នាក់រកសេចក្តីអោយអ្នកទេ ប្រសិនបើយើងមិនចាប់ផ្តើម ដោយខ្លួនឯងមុនដំបូងគេ ។ សុភមង្គលគ្រួសារ អាស្រ័យលើខ្លួនយើងតែប៉ុណ្ណោះ ។

តិចអ្នករស់នៅ ក្រុងបាត់ដំបងយូរហើយ អត់ដឹងប្រវត្តិទីក្រុងនេះរាប់រយឆ្នាំមុន មានលក្ខណៈពិសេសអ្វីខ្លះ

ទីក្រុងបាត់ដំបង មានប្រវត្តិកកើតរយឆ្នាំមកហើយ ។ ទីក្រុងនេះមានដងស្ទឹងសង្កែ ពុះកាត់ ចំកណ្តាល មានដើមឈើ អមសង្ខាងស្ទឹង ក្នុងរដូវផ្ការើក គឺមានទេសភាព ស្រស់ត្រកាល អមដោយទឹកស្ទឹងហូររិញៗ នាំអោយមានភាពទាក់ទាញ ភ្ញៀវទេសចរណ៍ ជាតិ និងអន្តរជាតិ មកទស្សនា កំសាន្ត រាល់ថ្ងៃ ។

តើទីក្រុងមួយនេះ មានប្រវត្តិ យ៉ាងណាដូចម្តេច?


យោងតាមឯកសារ ទីក្រុងបេតិកភ័ណ្ឌ បង្ហាញពីប្រវត្តិទីក្រុងបាត់ដំបង មុនសម័យអាណានិគមន៍ បាត់ដំបងគ្រាន់តែទីប្រជុំជនតូចមួយលាត សន្ធឹងតាមបណ្តោយដងស្ទឹង ប៉ែកខាងលិច មានផ្លូវមួយខ្សែគត់ ស្របតាមមាត់ស្ទឹង និងមានប្រជាជនរស់នៅ ប្រហែល ២៥០០ នាក់ ។ គ្រួសារ ចៅ ហ៊្វាបែន បានគ្រប់គ្រងបាត់ដំបង ប្រាំមួយដំណរ ពីឆ្នាំ ១៧៩៥ ដល់ ១៩០៧ ។


បន្ទាប់ពីថៃប្រគល់បាត់ដំបង មកខ្មែរវិញ នៅឆ្នាំ ១៩០៧ បារាំងបានធ្វើការរៀបចំប្លង់អភិវឌ្ឍន៍ក្រុងដំបូង ដែលមានប្រព័ន្ធផ្លូវរាងជា ក្រលាចត្រង្គ ។ ផ្លូវសំខាន់បីត្រូវបានសាងសង់ ( ផ្លូវលេខ១ លេខ២ និងលេខ៣ ) នៅត្រើយខាងលិច និងខាងកើត ត្រូវបានតភ្ជាប់ដោយស្ពានពីរ (ស្ពានដែក និងស្ពានថ្មចាស់) ។

ផ្ទះល្វែង និងផ្សារណាត់ ដែលបានកសាងក្នុង ឆ្នាំ ១៩៣៦ ត្រូវបានសាងសង់ និងផ្លូវដែកត្រូវបានតភ្ជាប់ទៅភ្នំពេញ ។
បន្ទាប់ពីកម្ពុជាទទួលបានឯករាជពីបារាំង ១៩៥៣ ក្រុងបាត់ដំបងត្រូវបានពង្រីកប្រាំដងធំជាងមុន ហេដ្ឋារចនាសម្ព័ន្ធ និង សំណង់សាធារណៈសំខាន់ជាច្រើន ត្រូវបានសាងសង់ដូចជា សកលវិទ្យាល័យសារមន្ទីរ រោងចក្រ ព្រលានយន្តហោះ និងផ្លូវដែកត្រូវបានពង្រីកភ្ជាប់ទៅប៉ោយប៉ែត ។

@ ប្រវត្តិក្រុងបាត់ដំបង សង្ខេប

តើធ្វើដូចម្តេច ដើម្បីអោយយើងមាន អាយុវែង



បច្ចុប្បន្ននេះ អាយុកាលរបស់មនុស្ស ត្រូវបានគេសង្កេតឃើញថា កាន់តែខ្លីៗទៅៗ អាចថាបណ្តាល
មកពីវិទ្យាសាស្រ្តកាន់តែជឿនលឿន មនុស្សកាន់តែរស់នៅមានភាពងាយស្រួល សារធាតុគីមីកាន់តែច្រើន ។ប៉ុន្តែស្របគ្នានេះ គ្រោះថ្នាក់ក៏កើតឡើងច្រើនផងដែរ ទាំងសកម្មភាពរស់នៅប្រចាំថ្ងៃ និងសុខភាព ។

ចំនុចខាងក្រោមនេះខ្លីៗនេះ អាចនាំអោយយើងមានអាយុវែង៖


1. ចេះធ្វើខ្លួនអោយសប្បាយ ៖ ពិបាកចិត្តពេក មិនស្មុកស្មាញពេក កុំស្រេសពេក ។
2. សប្បាយឱ្យមានកំណត់ ៖ កុំភ្លើតភ្លើនស្រីញី ប្រយត្នស្លាប់មុនអាយុ ។
3. ហូបអាហារមានជីវជាតិ ៖ ទំពារឱ្យហ្មត់ ជៀសវាងអាហារគីមី ផ្អាប់ផ្អូម ហូបហើយដើរសិន កុំហូបច្រើនពេក ។

 4. ធ្វើការងារតាមពេលវេលា ៖ ហូបបាយទៀងពេល ដេកទៀងម៉ោងមានម៉ោងសម្រាក មានម៉ោងធ្វើការច្បាស់លាស់ ។

5. ហាត់ប្រាណ៖ ៣០ នាទី ១ថ្ងៃ ជួយឱ្យមាន សុខភាពល្អ អាយុយឺនយូរ ។
6. សេពគប់មិត្តល្អ ៖ មិត្តល្អនាំអោយចម្រុងចម្រើន ទ្រព្យសម្បត្តិ ចំណេះដឹង សុខភាព គុណធម៌ ។
7. សាងតែអំពើល្អ ៖ លួចប្លន់ គេចាប់បាន អាយុខ្លី សាងល្អមានគេស្រឡាញ់ចូលចិត្ត ។



យោងតាមប្រភព៖ Kou Sopheap page

មាន់រាប់ពាន់ក្បាលក្មុងកសិដ្ឋានមួយខេត្តបាត់ដំបង ​សង្ស័យមានផ្ទុះជម្ងឺផ្តាសាយH5N1 ​

 នាព្រឹកថ្ងៃទី១២មករានេះក្រុមមន្រ្តីសុខាភិបាលខេត្តបាត់ដំបងដឹកនាំដោយលោកវឿងប៊ុនរ៉េតប្រធានមន្ទីរសុខាភិបាលខេត្តបាត់ដំបងបានចុះមកយកសំណាកកម្មកររពីរន...